Հայտնի են 2018-ի ամենաոճային աստղերը

56

Footwear հրատարակությունը կազմել է տարվա ամենաոճային հայտնիների ցանկը, ովքեր տարվա ընթացքում զարմացրել են նորաոճ հագուստով։

Փորձագետներն ամենաոճային են համարել Լեդի Գագային, ով Հոլիվուդում անցկացված Elle Women մրցանկաբաշխության ընթացքում ներկայացել էր տաբատով եւ պիջակով, որը կրում էր մերկ մարմնին։ Երեկոյի ընթացքում Լեդի Գագան խոսել է շոու-բիզնեսի աշխարհում սեռական ոտնձգության մասին։

Երկրորդ հորիզոնականում արքայազն Հարիի կինն է՝ Մեգան Մարքլը։ Նրա ֆավորիտների շարքում են ապրանքանիշերը, որոնք հագուստ են կոշիկ են պատրաստում էկոլոգիապես մաքուր նյութերից, այդ թվում Veja-ն, Rothy’s-ն եւ Stella McCartney-ն։

Վառ վարդագույն զգեստը, որը Ջենիֆեր Լոպեսը կրում էր «Սկսիր նորից» ֆիլմի պրեմիերայի ընթացքում, երգչուհու համար ապահովեց երրորդ հորիզոնականը։

«Էմմի» մրցանակաբաշխության հանձնմանը Թրեյսի Էլիս Ռոսն ընտրել էր գրեթե նույն գույնի զգեստը Նա եւս հայտնվել է լավագույնների ցանկանում։

Հրապարակությունն ամենաոճայինների շարքում նշել է նաեւ Բեյոնսեին, ով տարվա ընթացքում կրել է այնպիսի ապրանքանիշերի հագուստ, ինչպիսիք են Gucci-ն, Peter Dundas-ը, LaQuan Smith-ը եւ Sergio Rossi-ին։

Ցանկում հայտնվել է նաեւ երեք տղամարդ՝ դերասաններ Թիմոթի Շալամեն, Ռամի Մալեկը եւ Մայքլ Բակարի Ջորդանը։

NEWS.am Style-ն ավելի վաղ հայտնել է, որ ամերիկացի երգիչ եւ դերասան Նիկ Ջոնասը GQ ամսագրի վարկածով ճանաչվել է 2018թ.-ի ամենաոճային տղամարդ։ Նրա գլխավոր մրցակիցներն էին Ջեֆ Գոլդբլյումը եւ Ռայան Ռեյնոլդսը, ինչպես նաեւ երաժիշտ Ջոն Լեջենդը։

Загрузка...